Mga pangkaraniwang katanungan sa copyright

Hinihikayat ng Wattpad ang lahat ng mga manunulat na ipahayag ang kanilang pagkamalikhain at imahinasyon sa pamamagitan ng mga orihinal na kuwento. Hindi namin pinahihintulutan ang mga copyright infringement o mga piniratang materyal sa platform at tatanggalin ang anumang mga akdang matutuklasan naming inilathala nang ilegal. Habang ang ibang mga user ay hindi pamilyar sa copyright law, ginagawa namin ang aming makakaya upang turuan at abisuhan ang ating komunidad habang bumubuo ng nakikipag-ugnayan na mga audience para sa lahat ng mga manunulat.

 

Mga pangkaraniwang katanungan (FAQ’s)

 

Ano ang copyright infringement?

• Pag-post ng mga copyrighted na mga akda ng iba nang walang legal na pahintulot
• Pag-post sa ngalan ng isang may-akda at pagbibigay ng credit sa kanila. Ito ay isa pa ring paglabag ng copyright at ituturing pa rin sa parehong paraan. Ang pahintulot ay PALAGING kailangan mula sa may-akda.
• Ang mga adaptation o bahagyang pagbabago sa isang akda, katulad ng pagpapalit ng mga pangalan, pagkopya ng mga pangyayari at pagsusulat gamit ang iyong sariling mga salita, pagpapalit ng pananaw ng mga tauhan, ay paglabag ng copyright. Para sa karagdagang impormasyon, tingnan ang: Lumalabag na mga Adaptation
• Paggamit ng imaheng hindi mo pagmamay-ari. Kasama rito ang paggawa ng pabalat gamit ang imaheng hindi mo pagmamay-ari ang karapatan (maliban na lamang kung ito ay nasa public domain).

 

Ano ang pinoprotektahan at hindi pinoprotektahan ng copyright?

Pinoprotektahan lamang ng copyright ang pisikal na representasyon ng isang ideya, hindi ang ideya mismo. Sa kasamaang palad, ang mga kaparehong plot, tema ng kuwento, at pamagat ay hindi sapat upang magtatag ng isang copyright infringement. Ito ang dahilan kung bakit maraming mga kuwento at pelikula ang magkakahawig. Maliban na lang kung may matibay na ebidensya ng copyright infringement na maaaring maihain sa hukuman, ang mga website administrator ay hindi matatanggal ang mga kuwento. Sa ganitong kaso, aming iminumungkahi na makipag-ugnayan sa isa pang manunulat at subukang ayusin ang isyu nang pribado at may paggalang. Kung hindi ka sigurado kung ang isang akda ay nilalabag ang iyong copyright, hinihikayat naming humingi ka ng propesyonal/legal na payo bago magpasa ng abiso.

 

Ano ang mga ginagawang hakbang ng Wattpad ukol sa copyright infringement?

Sineseryoso ng Wattpad ang copyright infringement. Ang mga user ay hindi pinahihintulutang mag-post ng mga kuwentong hindi nila pagmamay-ari maliban na lamang kung sila ay may legal na pahintulot mula sa may-ari at makapagbibigay ng ebidesnya kung kinakailangan. Ang kahit na anong nailathalang akda na nai-report sa amin, o aming nadiskubre, ay agad naming tinatanggal. Kung ang akda ay hindi nailathala, hinihiling namin ang may-ari na magpasa ng DMCA request at tatanggalin namin ang mga illegal na akda sa lalong madaling panahon!

Repeat infringers - Bilang karagdagan sa patakaran sa itaas, maaari naming, kung angkop at sa aming paghuhusga, tanggalin ang mga account ng mga user na paulit-ulit na lumalabag o napatawan ng paglabag ng intellectual property rights ng iba. Kung maraming paglabag sa copyright ang isang account, o may matuklasan pang karagdagang paglabag sa ibang araw, isasara ang account. Pakitandaan na ang mga pagkilos ng user ay naka-link sa may-ari ng account, hindi sa (mga) account mismo.

 

Paano pinoprotektahan ng Wattpad ang aking akda?

Sa kasalukuyan, mayroong daang milyong mga kuwentong naka-upload sa Wattpad at daang libong mga bagong upload ang nadadagdag bawat araw. Mayroon kaming ilang mga hakbang upang maiwasan ang copyright infringement sa Wattpad. Ito ay isang malakihang gawain, ngunit sineseryoso namin ito. Ang iyong akda ay awtomatikong pinoprotektahan ng Copyright Law sa panahong inilagay mo ito sa isang nakapirming format, tulad ng pagsusulat nito. Mayroong iba’t ibang licence options na maaari mong piliin kapag ikaw ay naglalathala ng kuwento sa Wattpad at makikita mo ito sa aming artikulo sa Copyright. Sumusunod kami sa DMCA process, kaya kung naniniwala kang ang iyong akda ay nakopya sa maling paraan, maaari kang magsumite ng DMCA Takedown Request at sasagot kami sa pinakamadaling panahon. Ang copy/paste function ay naka-disable sa Wattpad, na pinipigilan ang mga user na madaling makopya ang iyong akda. Upang makakuha ng pinakamainam na proteksyon dito (o makasuhan ang sinumang ilegal na kokopya nito), kailangan mong irehistro ito sa copyright office ng iyong bansa. Para sa higit pang impormasyon, tingnan ang aming artikulong Paano namin pinoprotektahan ang Iyong mga Kuwento.

 

Paano ako makapagrereport ng mga copyright infringement sa Wattpad?

Mangyaring tingnan ang aming artikulo sa Pag-report ng Copyright Infringement para sa impormasyon kung paano mag-report ng mga nailathalang mga akda at kung ano ang dapat gawin kung ikaw ay nakakita ng non-published work sa Wattpad.

 

Nakopya ang aking akda at nailathala sa Wattpad o iba pang website. Ano ang maaari kong gawin?

Mangyaring tingnan ang aming artikulo sa Pag-report ng Copyright Infringement para sa iba pang impormasyon at mga panuto kung paano mag-report ng copyright sa Wattpad at kung ano ang maaaring gawin kung ang iyong akda ay nakopya sa Wattpad at ipinost sa ibang website.

 

Ayaw kong magbigay ng personal na impormasyon na hinihiling sa DMCA Take-down notice. Ano ang maaari kong gawin?

Ang take-down request form ay hihingi ng iyong personal na impormasyon. Ito ay isang legal na dokumento at kinakailangan naming kolektahin ang impormasyon upang umusad sa request. Hindi namin ibinabahagi ang iyong mga personal na detalye na nakalagay sa take-down notice sa iba pang partido kapag tinatanggal namin ang akda. Kami ay naatasan lamang ng batas na kolektahin ang impormasyon. Sa kasamaang palad, hindi kami makauusad sa request kung hindi maibibigay ang impormasyon. Inirerekomenda naming magpadala ng mensahe sa user at subukang ayusin ang isyu nang personal.

Paano ako magre-report ng isang video sa loob ng isang kuwento sa Wattpad para sa copyright?

Ang mga potensyal na lumalabag na video sa iyong kuwento ay nasa platform ng YouTube at naka-embed lamang sa iyong kuwento. Ito ay responsibilidad ng YouTube at dapat ay i-report sa pamamagitan nito. Kung ito ay tinanggal sa YouTube, hindi na ito gagana sa Wattpad. Ang Mga Alituntunin sa Nilalaman ng Wattpad ay nalalapat pa rin at tatanggalin namin ang mga video sa iyong kuwento na lumalabag sa mga polisiya ng Wattpad, ngunit hindi namin ito matatanggal sa Youtube.

 

Pagpili ng copyright language

 

Kapag nag-post ka ng iyong kuwento sa Wattpad gamit ang Advanced Options, mayroong multiple copyright options na maaari mong pagpilian. Ang bawat opsyon ay nalalapat lamang sa akda na maaari mong i-copyright; kung ikaw ay naglagay ng song lyrics, mga linya mula sa libro, pelikula o tv shows, o mga popular na tao at mga historical figure, hindi mo inaangkin ang pagmamay-ari ng copyright sa mga ito sa pagpili sa kahit na anong mga opsyon na ito.

 

Ang pagpili ng copyright language ay hindi nagrerehistro ng iyong akda sa kahit na anong copyright office, o naglilipat ng iyong copyright ownership sa Wattpad (nagbibigay ka ng ilang limitadong mga lisensya sa Wattpad kapag nag-uupload ka ng kuwento o iba pang content). Kung nais mong irehistro ito sa copyright office ng iyong bansa, maraming mga sanggunian online na makatutulong sa iyo. Maaari mong hanapin ang copyright office ng iyong bansa sa pamamagitan ng Directory of Intellectual Offices ng WIPO sa http://www.wipo.int/directory/en/urls.jsp.

 

Maaaring napansin mo na ang ‘non-specific’ ay hindi na available dahil ito ay hindi tamang seleksyon. Ang mga kuwento ay tinatrato bilang ‘All Rights Reserved’ bilang ito ay pinaka-common, at mapapalitan ito nito. Kung nakakita ka ng akdang mayroon pa ring ‘non-specific’ na seleksyon, hindi ibig sabihin nito na ang akda ay maaaring i-adapt o i-distribute nang walang repercussion.

 

Ang mga pinaka-karaniwang ginagamit na lisensya ay ang sumusunod:

 

All Rights Reserved

Ang may-ari ng copyright ay napananatili ang lahat ng karapatan na sakop ng copyright law, maging sa distribution, performance at pagbuo ng kanilang akda. Sa ilang paraan, mayroon kang kontrol sa iyong akda, pero dahil hindi ka binibigyan ng copyright ng buong monopolyo, maaari pa ring gamitin ng iba ang iyong akda sa ibang paraan, tulad ng pagkuha ng maikling linya para sa mga interview at mga rekomendasyon, sa paggawa ng fanart o covers para sa iyo, atbp.

 

Public Domain 

Kilala rin ito bilang "No rights reserved". Ang paglalagay ng isang akda sa public domain sa karamihan ng mga bansa ay maaaring maging isang kumplikadong proseso, ngunit kapag pinili mo ang opsyon na ito, sinasabi mo sa lahat na maaari nilang gamitin ang iyong kuwento sa kahit anong layunin; puwede nila itong ilathala at ibenta, gawing pelikula, o kung anuman ang kanilang gusto. Kapag pinili mo ang opsyon na ito, pinapakawalan mo ang lahat ng iyong mga copyright sa iyong kwento.

 

Creative Commons

Ibinahagi ng Creative Commons ang teksto ng ilang uri ng mga copyright license. Kapag pumili ka ng isa, inilaan mo ang ilang karapatan sa iyong kuwento, ngunit ibinibigay mo rin sa publiko ay ilang mga lisensya, tulad ng karapatang isalin ang iyong kuwento o gumawa ng pelikula gamit ang iyong diyalogo, o ilathala ito para ibenta sa isang fancon. Ang mga indibidwal na nagnanais na makipag-collaborate sa isang manunulat ay dapat dumaan sa rutang ito. Maraming Creative Commons licenses na naaangkop sa iyong pangangailangan tulad ng Attribution [CC BY], Share Alike [CC BY-SA], No Derivative [CC BY-ND] and Non Commercial [CC BY-NC]. Para sa iba pang impormasyon sa mga opsyon sa copyright ng Creative Commons, mangyaring bisitahin ang http://creativecommons.org/licenses/

 

Palagi naming inirerekomenda ang pag-save ng kahit na anong orihinal na akdang iyong ginawa sa labas ng Wattpad platform. Sa pagkakataong naisara ang account dahil sa paglabag sa kahit na ano sa aming polisiya, hindi namin ibabalik o ililipat ang story content, na maaaring magsama sa iyong mga orihinal na akda na kasama sa paglabag.

Inirerekomenda rin namin na tingnan ang aming Support Bot kapag naghahanap ng mabilis na sagot! Maaari mong mahanap ang aming bot sa pamamagitan ng pag-click ng icon sa ibabang kanang bahagi ng Help Center (https://support.wattpad.com/hc/en-us), o sa pagtungo sa iyong Settings > Help Center sa app.